Rħewlha lejn il-Qamar Klandestin Aħna Li Ma Mmorrux Fuq Xarabank Viva l-Ġustizzja Id-Dar tal-Provvidenza - L-Akbar Realtà Mhux Minnu Faraġ ta' Xejn Kutrumbajsi Il-Karrakka L-Album tal-Millenju Riflessi Meta Lili n-Nies Tivvota Fid-Dell ta' Ħaddieħor Sibna ż-Żejt Dizzjunarju Propaganda Ddoqq l-Iskotti

Sibna ż-Żejt

Kliem:	Mario Fenech Caruana
Mużika:	Andrew Zahra
Tkanta:	Connie Micallef
Isma' parti qasira:

Fuq l-art tal-Gran Mastri, għandu jkun li sabu ż-żejt;
Xegħlu l-knejjes kollha, dendlu l-bnadar fuq kull bejt,
Niżlu n-nies fil-pjazez, ħarġu jdoqqu mill-każin,
Skulaw il-ħaddiema... telqu d-dar qabel il-ħin,
Ħarqu il-murtali, festa u briju kullimkien!
Ħarġu sal-ġirien, mgħannqin flimkien!

Sibna ż-żejt u issa ma jonqosna xejn,
Nistgħu nonfqu bla ma nagħmlu lira dejn;
Addio l-kontijiet
Daqshekk taxxi u piżijiet
Issa tara kif se nsolvu kull inkwiet!

Issa t-toroq tagħna se niksuhom kisja njam...
Vilel u palazzi... u skyscrapers ta' l-irħam;
Nordnaw ferrovija illi sserrep minn taħt l-art,
Bandli u funtani, roundabouts mimlija ward,
Pjanti u proġetti, ejja nduru dawra tond,
Miċ-Ċirkewwa s'Għawdex nibnu pont!

Sibna ż-żejt u issa ma jonqosna xejn,
Nistgħu nonfqu bla ma nagħmlu lira dejn;
Addio l-kontijiet
Daqshekk taxxi u piżijiet
Issa tara kif se nsolvu kull inkwiet!

Sibna ż-żejt u issa ma jonqosna xejn,
Nistgħu nonfqu bla ma nagħmlu lira dejn;
Addio l-kontijiet
Daqshekk taxxi u piżijiet
Issa tara kif se nsolvu kull inkwiet!

Addio l-kontijiet,
Iss' isimgħu l-aħbarijiet!
Iż-żejt issa sibnieh
(Għax) taqqabna bir sal-qiegħ...
Bqajna neżlin sal-qiegħ
...fl-ahhar SIBNIH!
...fl-ahhar SIBNIH!

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .