L-Għanja tal-Poplu 2006 ŻGĦAŻAGĦ

Riżultati

Il-Kanzunetta Aċċetani kif jien interpretata tajjeb min Christabelle Borg fuq kliem ta’ Chris Azzopardi u mużika ta’ Mark Spiteri Lucas, rebhet il-festival L-Ghanja tal-Poplu – Zghazagh 2006 li sar is Sibt 29 t’April waqt il-programm Showtime fuq PBS.

Fit–tieni post ikklassifikat il-kanzunetta Grazzi bil-kantant Brenton Azzopardi, fuq kliem u mużika ta’ Rita Pace.

Fuq lirika wkoll ta’ Rita Pace u mużika ta’ Glen Vella, il-kanzunetta Issa Żżejjed! kantata minn She2s ġiet ikklassifikata fit-tielet post.

Il-premju speċjali għall-aħjar tema soċjali intrebaħ mill-awtur Joe Chircop bil-kanzunetta M’għandniex ħin, filwaqt li l-kantanta ċkejkna Shannon Muscat rebħet l-aħjar interpretazzjoni bil-kanzunetta ‘Il fejn.

Is-sittax il-kanzunetta finalista kollha kienu ta’ livell gholi u s-serata kienet waħda mill-aktar pjacevoli li nkludiet ukoll talent iehor varjat b’tema Maltija. Dawk kollha li ma kellhomx l-opportunita’ li jaraw il-festival jistgħu jixtru double Cd album li fih jinkludi wkoll il-31 edizzjoni tal-Għanja tal-Poplu li ser ikun trasmess fuq il-programm Showtine is-Sibt 13 ta’ Mejju. Is-Cd tinkludi wkoll ktejjeb bil-lirika kollha tal-kanzunetti, kif ukoll il-kanzunetta Leħen Wieħed interpretata mill-parteċipanti kollha tal-Għanja tal-Poplu żgħazagħ fuq kliem u mużika ta’ Frank ‘O Neill. Dawn is-Cd’s jistgħu jinxtraw mill-ħwienet ewlenin tad-diski, jew mill-Y.T.C. stess bil-prezz speċjali ta’ LM6.

Jipprezentaw il-festival kien hemm Moira Delia u Manwel Xuereb.

Il-votazzjoni kienet imqassma hekk: 67% mill-ġurija esperta li kienet komposta min Vanni Pule’, George Cassola, Albert Friggieri, Phyliss Debono, Christine Farrugia u Joe Formosa. Il-kumplament tal-votazzjoni li kellha saħħa ta’ 33% kienet f’idejn il-pubbliku permezz tat-televoting.