L-Għanja tal-Poplu 2005

It-30 edizzjoni

Il-PREMJU GĦANJA LI TIBQA'
ingħata lil
Dr Manwel Mifsud u lis-Sur Vince Fabri

Riżultati

Il-kanzunetta “Żewġ Qagħqiet” rebħet it-30 edizzjoni tal-festival l-Għanja tal-Poplu. Augusto Cardinali kiteb il-kliem u l-mużika ta’ din il-kanzunetta. Il-kantanta żagħżugħa Julie Pomorski, li tat interpretazzjoni tassew tajba, kantat il-kanzunetta rebbieħa.

It-tieni post mar għand il-kanzunetta “Għaċ-Ċkejkna”; awtur u kompożitur Walter Micallef, kantanta Graziana Axisa. Din il-kanzunetta rebħet ukoll il-premju speċjali ta’ l-aħjar tema soċjali.

Il-kanzunetta “Mario”, iddedikata lil mibki Mario Ellul ġiet ikklassifikata fit-tielet post, bi kliem ta’ Joe Julian Farrugia, mużika ta’ Dominic Galea u Herman Bonaci bħala kantant.

Il-premju ta’ l-aħjar interpretazzjoni mar għand Mark Tonna bil-kanzunetta “Qalb tal-Ħadid”.

Din is-sena il-festival l-Għanja tal-Poplu sar flimkien mal-programm Xarabank nhar il-Gimgħa 15 t’April.

Il-ġurija esperta kienet magħmula minn ħames ġurati filwaqt li t-televoting mill-pubbliku Malti kellu saħħa ta’ tlett voti.

Is-CD ta’ dan il-festival flimkien mas-CD tal-festival taż-żgħażagħ ġew ippubblikati mill-YTC bħala double album u qed jinbiegħu mill-YTC.

Il-YTC din is-sena qed torganizza ukoll L-Għanja tal-Poplu Żgħażagħ, nhar is-Sibt 7 ta’ Mejju 2005 fit-teatru tas-Salesjani f’tas-Sliema.

Il-biljetti għal dan il-festival taż-żgħażagħ jinxtraw mill-YTC - Tel: 2123 3893