Festi Infernali Meta Dan l-Aħħar F'Ħajjtek Daħħal Daqsxejn Mużika Daqsxejn Tolleranza Tempju tal-Qedem Diana Warrbuli Valletta - Belt Qalbiena Tisma' Spiss Ix-Xiħ Fejn Staħbew Taparsi Kalejdoskopju Kemm Jien Beżżul Suppost L-Isbaħ Raqda Il-Bieb Miftuħ L-Imħatra

Il-Bieb Miftuħ

Meta tkun għaddej viċin
forsi jkollok ftit tal-ħin
jew ixxomm il-kafè jfuħ
idħol ġew, il-bieb miftuħ.

Meta ħajtek ġirja ġenn
toħlom kieku b'art il-kenn
fejn is-sliem idewwi r-ruħ
għaddi s'hawn... il-bieb miftuħ.

Nistenniek fuq ix-xwiek
sħana, bard... kmieni, tard
iġġib xejn - m'hemmx għalfejn
Nistenniek

Meta tkun f'burdata orrajt
ejja naqsmu d-daħq u ċ-ċajt,
jew imdejjaq u muġugħ...
meta trid... il-bieb miftuħ.

Nistenniek fuq ix-xwiek
sħana, bard... kmieni, tard
iġġib xejn - m'hemmx għalfejn
Nistenniek

Jekk għad darba jiġi żmien
li ma jilqgħek ħadd, imkien,
hemm inkun - żiffa fil-qlugħ
nistenniek... il-bieb miftuħ.

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .