Festi Infernali Meta Dan l-Aħħar F'Ħajjtek Daħħal Daqsxejn Mużika Daqsxejn Tolleranza Tempju tal-Qedem Diana Warrbuli Valletta - Belt Qalbiena Tisma' Spiss Ix-Xiħ Fejn Staħbew Taparsi Kalejdoskopju Kemm Jien Beżżul Suppost L-Isbaħ Raqda Il-Bieb Miftuħ L-Imħatra

Kalejdoskopju

Kalejdoskopju, dinja ta' lwien,
tbiddel kuljum il-kulur
Żernaq bl-oranġjo, l-għabex sewdien
Mużajk ta' ċar u skur.

Vjola t-tut, il-qamħ qed jisfar,
jiħdar il-ħaxix ħażin
L-ikħal tal-baħar, l-abjat tal-blat
L-aħmar nar tal-pepprin

Fejn hu l-pittur? Min kien l-iskultur?
Bilfors illi kien professur!
Kif pinġa x-xemx, l-għoljiet u l-widien?
Kif ħejja l-kapulavur?

Kalejdoskopju, bil-lejl, bi nhar
Sinjali mas-sema u l-art
Kwiekeb tal-fidda, felli tad-deheb
it-twapet inksew bil-ward.

Fejn hi l-qawsalla, kif dabet fis-sħab
li żebgħet ġwenħajn it-tjur,
li niżlet f'bejta kamaleonti
qalb il-ħawħ u t-tin misjur.

Fejn hu l-pittur? Min kien l-iskultur?
Bilfors illi kien professur!
Kif pinġa x-xemx, l-għoljiet u l-widien?
Kif ħejja l-kapulavur?

Semmgħuli ftit l-għajtiet tal-merħliet
il-kant tan-novell kanarin
l-għanja tal-grillu, il-ħoss tal-flawt,
kunċert bl-armonju u l-vjolin
l-għanja tal-grillu, il-ħoss tal-flawt,
kunċert bl-armonju u l-vjolin

Fejn hu l-pittur? Min kien l-iskultur?
Bilfors illi kien professur!
Kif pinġa x-xemx, l-għoljiet u l-widien?
Kif ħejja l-kapulavur?
dal-kapulavur.

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .