Il-Kanzunetti Semifinalisti ta’
L-Għanja tal-Poplu 2023

(Is-47 Edizzzjoni)

B’kollox ġew sottomessi 142 kanzunetta għas-47 edizzjoni ta’ L-Għanja tal-Poplu – Festival tal-Kanzunetta Maltija. Minn dawn il-ġurija komposta minn 5 ġurati għażlet l-40 kanzunetta semifinalista.

Din hi l-lista f’ordni alfabetika tal-kanzunetti li għaddew għas-semifinali ta’ L-Għanja tal-Poplu:

Il-kanzunetti semifinalisti 2023

Dan r-riżultat ġie kkonfermat min-nutar.

It-tieni fażi tal-għażla hija s-semifinali, meta l-kantanti se jkantaw il-kanzunetti tagħhom live b’akkumpanjament irrekordjat.

L-Għanja tal-Poplu se jittella’ fil-5 ta’ Awwissu 2023 fi Pjazza Teatru Rjal bis-sehem tal-Malta Concert Orchestra.

Dan il-festival huwa organizzat mill-għaqda volontarja L-Għanja tal-Poplu b’kollaborazzjoni mal-Malta Concert Orchestra u Pjazza Teatru Rjal.

L-Għanja tal-Poplu huwa megħjun mill-Kunsill Malti għall-Arti.

Nota: Il-parteċipanti se jirċievu l-marki u l-kummenti tal-ġurija wara li jgħaddi l-festival.

 

Għeżież awturi u kompożituri,

Bi pjaċir inħabbru is-47 edizzjoni ta’ L-Għanja tal-Poplu li se tittella’ fil-5 ta’ Awwissu ġewwa Pjazza Teatru Rjal bis-sehem tal-Malta Concert Orchestra. Ir-regolamenti jinsabu fil-paġna www.ghanjatalpoplu.org/regolamenti-2023 . L-appikazzjonijiet se jintlaqgħu sat-13 ta’ April 2023.*

F’dan il-festival, għandek il-liberta’ li tuża kwalunkwe ġeneru mużikali li tixtieq biex tesprimi l-emozzjonijiet u l-ideat tiegħek. Bħala organizzaturi, aħna nipprovdu okkażjoni tajba fejn l-awturi u l-kompożituri jistgħu jwasslu l-kanzunetti tagħhom lill-publiku Malti. Il-festival L-Għanja tal-Poplu jkun suċċess jekk ikun fih kanzunetti ta’ kwalita’ bil-Malti u jippreżenta kanzunetti li jappellaw għall-poplu.

Li wieħed ikun midħla tal-letteratura Maltija tgħin biex wieħed ikun kittieb tajjeb. L-istess japplika fil-kompożizzjoni tal-mużika kif wkoll fil-kitba tal-kanzunetti. Ninkoraġġixxu lill-awturi u kompożitur jisimgħu u japprezzaw il-kanzunetti ta’ artisti minn diversi pajjiżi, speċjalment dawk li huma qrib tagħna. Illum permezz tal-Youtube, huwa iktar faċli li tagħmel dan.

Barra minn hekk, fuq l-internet insibu bosta artikli li jistgħu jgħinu lil min jixtieq itejjeb il-ħila tiegħu fil-kitba u l-kompożizzjoni tal-kanzunetta. Għal dan il-għan qed ninkludu ftit ħoloq li jistgħu jinteressaw lill-awturi u kompożituri, speċjalment dawk li għadhom jibdew.

Intant nistiednek tibda’ taħseb biex tikteb u tikkomponi dik l-kanzunetta li biha tesprimi is-sentimenti, l-emozzjonijiet u l-ħsibijiet tiegħek. Is‑sehem tiegħek f’dan il‑festival għandu jkun esperjenza pożittiva għall‑karriera tiegħek. Għalhekk inħeġġuk taħseb biex tipparteċipa.

Fil-kas ta’ mistoqsijiet tista’ tiktbilna email jew iċċempel 79923522.

* F’kas ta’ bżonn tista’ titlob għall-estensjoni sad-19 ta’ April, ara dettalji fir-regolamenti .

Kumitat L-Għanja tal-Poplu