Il-kantanti finalisti flimkien mal-Malta Concert Orchestra qed jagħmlu l-aħħar tħejjijiet għad-49 edizzjoni ta’ L-Għanja tal-Poplu, festival ta’ kanzunetti oriġinali bil-Malti.

Is-serata finali tal-festival se ssir nhar is-Sibt, 2 ta’ Awwissu 2025, ġewwa l-ambjent storiku u spettakolari ta’ Pjazza Teatru Rjal, fil-Belt Valletta. Din is-sena, ġew sottomessi 124 kanzunetta oriġinali, u wara proċess ta’ selezzjoni, intgħażlu 16-il finalista li se jippreżentaw xogħolijiet ġodda u varjati, mill-Maltin għall-Maltin.

Filliera ta’ quddiem: Kayley Cuschieri, Danica Muscat, Graziella Mifsud Schembri Vella, Jessica Micallef, Anna Azzopardi, Haley, Rita Pace

It-tieni filliera: Cherylis, Francesca Zammit, Mark Cachia, Ishmael Grech, Martina Fenech

It-tielet filliera: Avenue Sky

Filliera ta’ wara: Mark Spiteri Lucas, Mark Micallef Costa, Lon Kirkop, Daryl Jaymes, Mark Tonna

Il-festival se jkun ippreżentat minn Debbie Scerri u George Cremona, żewġ figuri magħrufa fix-xena kulturali Maltija. Mistieden speċjali tas-serata se jkun Joe Demicoli u qabel jitħabbru r-rebbieħa Laura Bruno se tinterpreta il-kanzunetta “Għażiża” rebbieħa ta’ L-Għanja tal-Poplu 2024.