Waj-Tu-Kej Kumbinazzjoni Kif Niftaħ Għajnejja Dak Li Għedtli Dakinhar Bejn Ħaltejn Issa Naf It-Tfal Ta' Llum Diżastru Kif Deherli Jien Il-Bagalja tal-Injam Il-Millenju... Bye Bye Il-Ġenna f'Minjatura Le Xejn Ma Nsejt X'Affarijiet Dawn Miss Scicluna Il-Poeta Għannej

Waj-Tu-Kej

Kliem:	Felicienne Fenech Caruana
Mużika:	Andrew Zahra
Ikantaw:	Incorvaja Sisters
Isma' l-kanzunetta:

Tisma' u taqra il-ħin kollu,
Tisma' 'l Ġaħan f'nofs ta' triq,
Li l-kompjuter għandu marda
Illi minnha mhux se jfiq!
Tisma' 'l Ċetta Furfiċetta
Tirrakkonta lill-ġirien
Anki l-banek ser ifallu...
Babilonja ma' kullimkien!

Anki l-knejjes daqqew mota,
Il-"fidili" b'ħass ħażin
Kulħadd mar jiskorri kelma
Għax kien riesaq id-destin!
Sa r-riġmenti tas-suldati
Lesti għall-irvellijiet
L-isptar mimli tobba u nurses
U t-tensjoni baqgħet tiżdied!

Min lagħab il-flus ma qatax
Għax l-antikrist ma tfaċċax!
Għalxejn stennew tard bil-lejl
Lill-"WAJ-TU-KEJ"!
'Qas ħaqq l-ispejjeż u l-ġenn
'Qas ħaqq min mar biex jistkenn
Kollox kif kien baqa' għaddej...
Xejn "WAJ-TU-KEJ"!!!

Nostradamus baqa' f'wiċċu
Jew mar staħba wara l-ħajt,
Ma felaħx jara l-millennju
iwaqqgħu daqshekk għaċ-ċajt!
Fra Mudest xegħlilna n-niċċa,
Wenzu u Rożi qagħdu d-dar
Raw id-dinja qed titbellah
Għax il-mostru... sparixxa u tar!

Min lagħab il-flus ma qatax
Għax l-antikrist ma tfaċċax!
Għalxejn stennew tard bil-lejl
Lill-"WAJ-TU-KEJ"!
'Qas ħaqq l-ispejjeż u l-ġenn
'Qas ħaqq min mar biex jistkenn
Kollox kif kien baqa' għaddej...
Xejn "WAJ-TU-KEJ"!!!

Ajma jew aħħ!
Millennium baħħ!
Fis-sena elfejn...
Xej' "WAJ-TU-KEJ"!

Daqq nofs il-lej'...
Spiċċa fix-xej...
Dal-"WAJ-TU-KEJ"!

Min lagħab il-flus ma qatax
Għax l-antikrist ma tfaċċax!
Għalxejn stennew tard bil-lejl
Lill-"WAJ-TU-KEJ"!
'Qas ħaqq l-ispejjeż u l-ġenn
'Qas ħaqq min mar biex jistkenn
Kollox kif kien baqa' għaddej...
Xejn "WAJ-TU-KEJ"!!!

"Daqq nofs il-lej'!"
Xxx...
...xej' waj-tu-kej!

© 1995-2005 Youth Travel Circle.
Mużika u lirika © l-awturi u kompożituri.
Homepage (disinn, produzzjoni) © Ramon Casha .